大咖名流
当前位置:主页 > 大咖名流 >
【獨有消息】首飾大帝泥地變身
发布日期:2022-05-27 14:13   来源:未知   阅读:

  「首飾大帝」季初四班贏完後,升上三班便一籌莫展,馬房於是安排隻馬去放草,由一月廿四日放到三月六日,期間總共抖四十一日,放咁長假,當然希望隻馬回復番角逐興趣。不過最近呢隻馬六月十一日復出角逐田草千六米,雖然係久疏戰陣,但依然被捧成三倍大熱門馬,結果希望越大失望更大,最終跑第十二名。賽後呢隻熱門馬當然被安排接受獸醫檢驗,份報告話無任何發現,小組要呢隻馬經過試閘合格先至可以上陣。最近「首飾大帝」由楊明綸試課泥地大閘,全程輕輕鬆鬆跑第四名返,目的志在到上陣資格,結果求仁得仁。馬房今次唔同呢隻馬出戰草地中距離賽程,選擇初跑泥地一哩,顯然蔡神仙有一番心思。據悉,「首飾大帝」上場跑得差係有原因,其中一個係角逐興趣問題,馬匹似乎對草地冇之前咁有濃厚角逐興趣,所以放完草返都冇乜起色,馬房安排呢隻馬考完閘後,決定轉報泥地賽,查呢個血統馬有好多跑泥地性能都唔錯,好似「君悅灣」同「亞馬寶寶」泥地都曾經有過頭馬或上名成績,最特別都係呢兩隻同父馬,跑一兩次泥地就有表現,「君悅灣」第二次跑泥地即千二米獲亞軍,因第一次跑一哩未有氣量支持就無成績交出,以最初期「君悅灣」性能而言,短途較中距離佳;「亞馬寶寶」跑一次泥地就得亞軍。所以呢系馬初跑泥地威力特強,可能是有多少新鮮感,今次雷神肯再騎,值得再追多鋪。

Power by DedeCms